متنوعة

بالنسبالي الأموال ما هي إلا وسيلة لتحقيق السعادة والراحة للإنسان .. يعني الفلوس اللي بتكسبها دي لو مش بتكسبها عشان تبسط نفسك وترتاح نفسياً وجسدياً يبقى فيه حاجة غلط .. يمكن كلامي يبان منطقي لبعض الناس وللآخرين لأ؛ لأنه في الفترة الأخيرة إكتشفت إن فيه ناس كل همها تجميع الفلوس وممكن تقعد تجمع فيها سنين عشان تشتري أراضي وعقارات لكن الأشياء الصغيرة  في يومهم بيستغنوا عنها .. طب و الخروجات ؟ طب المصيف اللي بنطلعه مع العيلة ؟ ، طب السفر مع الصحاب ؟ طب الأكلة الحلوة في مطعم شيك ؟ تخيلوا فيه ناس بتحرم نفسها من مسرات الحياة الصغيرة دي عشان تحقق ع المدى البعيد أملاك .. الناس دي يمكن فعلا بتكون عندها أملاك وعقارات بس اللي أنا متأكدة منه إنهم عمرهم ما إستمتعوا بحياتهم ..