متنوعة

الإنسان الذكي عاطفيًا « مبيتصاحبش بسهولة » الموضوع مش معناه إن الإنسان الذكي بيحب الإنطوائية أو بيفضّل الجلوس في السرير أكتر من التواجد مع البشر .. لكن الموضوع مُتعلق بـ فهم الإنسان لمدى تأثير علاقاته عليه فـ لو أنت مُدرك أهمية علاقة الصداقة مش هتعتبرها مجرد أداة ترفيهية بتخلّصك من شعور الوحدة، أو شخص بتجمعك بيه صورة سيلڤي أثناء خروجة لطيفة، لكن هتعرف إنك ما دام سمحت بدرجة عالية من القرب تجاهك، فـ النتيجة هتكون درجة عالية من التأثير عليك. يعني زي ما كان بيقول د. هاري سولڤيان « إن جزء هائل من أفكار الإنسان وإهتماماته بتكون نِتاج حصري لـ أفكار وإهتمامات أقرب 5 أشخاص ليه » فـ الذكاء عمره ما كان بيتمثّل في إدخال أكبر عدد من البشر لحياتك، ولا بردو معناه الهروب المُفرط من البشر وكإنهم وحش مُفترس.. لكن الذكاء هو إنك قبل ما توافق على خطوة مُقرّبة تجاهك، تبص للشخص اللي بياخدها بعناية.