متنوعة

• أمور لازم نتخلّص منها 💛🪧: - إنك تعبّر عن مشاعرك بطريقة بعيدة عن الهدوء وتنفعل كتير عالصغيرة والكبيرة. - تجامل الأشخاص كتير عحساب حالك. - تفكّر كتير وتهتم بنظرة الناس إلك، وتقضي وقتك متدايق وزعلان. - تبقى مركز عكلشي ناقصك وتتحسر طول وقتك، وتنسى كل الأشياء الحلوة اللي بحياتك، يعني ببساطة تكون مو مقتنع باللي عندك. - تأجيل وتسويف المهام، وتشلفلا لوقت متأخر. - تعتزل العالم بدون أسباب واضحة، وتبقى منطوي على نفسك. - القعدة الطويلة بدون أي شي تعملو، أو بالاحرى الفراغ ، فوراً بهيك حالات لازم تفتّش عشي بتحبو تعملو، قبل ما يبلش الاكتئاب يقرب منّك. - السّهر، وتقضّي حياتك بالمقلوب، ممكن بالبداية تكون مبسوط، بس حتكون متعبة مع الوقت. - إنك ترافق أشخاص سلبيين شغلتن ينقّوا ويذكروك بكل شي ناقصك، ويسحبوك عأماكن ويزرعوا براسك أفكار غلط. وآخر شي لازم تعرفوا إنك حلوين كتير، ومالكن بحاجة حدا يقلكن هالحكي 💕.