Rania El_kilany 💫
بحب الصور الحلوة حتى لو مهزوزة، بحب التغفيلات اللي بتتلقط فجأة من غير ما أكون مضطرة ابتسم ابتسامة مزيفة لمجرد إني قدام الكاميرا، بحب المقابلات اللي مش متخططلها؛ اللي بتيجي صدفة دي وتغير مود اليوم كله، بحب الكلام اللي مش مترتب اللي بيطلع تلقائي في موقف معين، بحب النظرة اللي بتحضن، والكلمة اللي بتداوي، والفعل اللي بيلخص كلام كتير، بحب كل حاجة صادقة طالعة من القلب، مش مصطنعة علشان تعجب حد.
