همسة
انا الابنة الحلوة الشقية، انا المحبة انا الحنية. انا ملكة بديني واخلاقي، وماما وبابا فخورين بيا. انا اختك وامان ليك, ودايما احب ارازي فيك. ومهما عملت كدة في مصائب, انا دايما بداري عليك. انا زوجتك وام عيالك, انا اللي بحب اوفر مالك. ساعات بنكد ايوا عليك, لكن بدوني يتشقلب حالك. انا الأم اللي ياما شقيت, واولادي وبناتي ربيت. سهرت ليالي كدة علاشانهم, وليهم عمري كله فنيت. يا واد انا تيتة بركة بيتكم, وكنت بحب قوي لمتكم. معروفة عند الناس بالحكمة , وببقى سعيدة لما انصحكم. احنا النسوة احنا الخير, عاملونا شوية بتقدير. وصاكو نبينا علينا وقال, رفقا رفقا بالقوارير.
