ابتسامة مشرقه في عالم مظلم ϕ ϕ

أحيانًا أحس إن الوحدة مو بس إنك تكون لحالك، الوحدة الحقيقية هي إنك تكون وسط ناس كثير، بس ولا أحد فيهم يحس فيك. تتكلم، تضحك، تمشي، بس من جوا تحس إنك فاضي، كأنك مو موجود. صرت أحس إن الوحدة مو دايم شي سيء، يمكن تكون لحظة أعرف فيها نفسي أكثر. أفكر، أراجع كل شي، أسمع صوتي اللي كنت دايم أطنشه. هي صعبة، بس تعلّمني. تخلي قلبي أقوى، وتخليني أكون الشخص اللي يعتمد على نفسه. الوحدة علمتني أقدّر الناس اللي تحس فيني بدون ما أتكلم، واللي وجودهم يطمن قلبي حتى لو ما قالوا شي.