حروف الموت
لما تروح سوق السمك.. أول ما بتدخل الريحة بتبقي صعبة جدًا ، وبعد شوية الريحة تهدى ، وبعد شوية كمان مُش بتبقي حاسس إن في ريحة أصلًا. ولو روحت لحد من البياعين وقولتله : الريحة رهيبة هنا ! هيقولك : ريحة إيه ؟ عشان يفهَمَك لازم تاخده برا سوق السمك توديه محل ورد مثلًا .. ولما يرجع سوق السمك تاني هيفهم ان ريحة السمك صعبة جدًا. نفس القصة .. لو عايش طول عمرك بتعمل معصية وأصحابك مُش صالحين .. مُش هتحس بالمشكلة أصلًا .. مُش هتعرف مرارة المعصية والصحبة السيئة إلا لما تدوق حلاوة الطاعة والصحبة الصالحة وتقول وقتها : هو أنا كنت ازاي عايش كدا ؟! * اللهمَّ ردنا إليك ردًا جميلًا
