قصص وعبر

قصة حقيقية كنا فى حلقة قرآن ،،وكان جنبنا حلقة فقه في الغرفه المجاورة ،،وفيه ناس بتيجى لحلقه الفقه من أماكن بعيد عن منطقتنا ،،اثناء حلقة القرآن فيه اخت أحضرت كوتش بناتى كان جاى هديه لبنتها من ايطاليا ومكانش جاى على قدها ،وجابت تتبرع بيه لحد محتاجه ،وملقيناش حد محتاجه وقالت المعلمه هتيجى صاحبة النصيب وتاخده ،،مفيش ربع ساعه وجت اخت من حلقة الفقه من الناس اللى ساكنين بعيد واول مرة تيجى الدار ،بتدور على حذاء بنتها اللى كانت حطته قدام باب الدار ودخلت الحلقه ،دورنالها عليه ومحدش لاقاه ،قلنالها هاتى البنت نشوف حاجه مناسبه ليها ،،اول ما جابت البنت لقينا سنها مناسب لمقاس الكوتش اللى ليه جاى من ايطاليا بشوكه ،ولبسته وكان جميل عليها وكلنا تعجبنا من تدبير الأمر ،،سبحان الله الاخت اللى أحضرت الكوتش قالت إنه عندها من فترة وكل مرة تنسي تجيبه ،،سبحان الله ايه اللى خلاها جابته فى اليوم ده عشان تاخد واحده متعرفهاش ولا تعرف اسمها .. سبحان الله قصة وعبرة