إسلامية

` إنَّ اللَّه يُحِبُّ أنْ يُحمَد .. متنساش وانت راجع من شغلك اللي مضغوط فيه تحمد ربنا إنك شغال، وعندك مصدر دخل تصرف منه. متنساش وانت سهران عشان تخلص حاجة تحمد ربنا إنك بتعرف تنام أول ما تحط راسك على المخدة من غير مسكنات. ومتنساش وانت مضايق من الزحمة، وعايز تروح تحمد ربنا إن عندك بيت ترتاح فيه. اِحمد ربنا إنك عايش ومستور، واقف على رجلك، حواسك شغالة وصحتك كويسة، بتنام مطمن وبتصحى من غير ألم. جايز تكون مضغوط، متضايق، بس انت من غير ما تدرك غرقان في نعم ربنا، وإنها أشياءٌ لا تُشترى فـ احمد اللَّه.