عبارات وخواطر

علاج الحب والاعجاب التعلق : 1. قطع الصله : ابتعد كل البعد عن هذا الانسان ، احذف كل المحادثات ، احذف كل شي متعلق بي ، انطي بلوك من كل الجهات التواصل الاجتماعي حتى ابلش مرحلة التشافي. 2.اعادة تقييم العلاقة: افكر هذه العلاقة شكد مأذيتني ، شكد سوتلي مشاكل ،شكد تعبت نفسيتي ومرضتني ، شكد خلتني ابتعد عن رب العالمين ، شكد هي حرام وما ترضي رب العالمين ، افكر انُ هذه العالم ما دام ما ترضي ربنا ما راح تنبني على خير وحتكون كلها خسائر وتضيحة وتعب نفسي وجسدي وروحي .. 3. استكمال الحياة بجوانبها الي تحققلك اشباع وانبساط وراحه: يعني اكمل حياتي بأشياء مفيدة تخليني التهي بيها ومنها حكون مطور نفسي وهيك حتكون بمكان مختلف عن قبل وحتحب ذاتك وتحب نفسك يعني حدد مهام واهداف اليومك وسويهم لان كلما كنت مشغول كلما افضل ، لان الفراغ يخليك العوبة بيد الشيطان ونفسك وحتسوي اشياء وتصرفات غلط وتصير لعبة بين افكارك وافعالك ، ف اشتغل على نفسك بأشياء مفيدة حتشوف نفسك بغير مكان وغير افكار وغير افعال وتصرفات. 4. الاذكار : ما لا يطرد بالفكر ، يطرد بالذكر ، خلي عندك ورد اذكار ، من الف الى ٣ الافلا اله الا الله الاستغفار الصلاة على النبي اذكار الصباح والمساء لاحول ولا قوة الا بالله هيك حتقوي نفسك وقبلك وترتاح روحك . 5.الدعاء : ادعي النفسك كثير ، الدعاء يحفز الروح والدماغ لان تتخطى كلشي بمعية ربنا الكريم ، ف ادعي كثير تتشافي ، اطلب من ربنا كل الي تريده حيساعدك وتكون بخير ان شاء الله. وبالاخير حب نفسك وطورها وقويها واتعب كثير حتى تسويها ، وتعلم كيف تحب نفسك وذاتك ، لان اليحب نفسه م راح يخلي ااي احد ينزل من قيمتها، اهتم بنفسك وابتعد عن كل شي يتعب روحك.