إسلامية

الحمد لله على نعمة الإسلام عمرك وقفت كده عند الجملة دي وفكرت في معناها؟ ولا قلتها كده صدفة من غير ما تحس بيها؟ العالم دلوقتي فيه أكتر من 8 مليار شخص، *عارف كام واحد فيهم مسلم؟* حوالي 2 مليار بس… يعني ربع العالم فقط! تخيل كده لو الدنيا خلصت، وجِه يوم القيامة، من بين كل أربع أشخاص، فيه شخص واحد بس هو المسلم، وثلاثة هيُخلَّدوا في النار المسلم ممكن يخطئ، يدخل النار شوية علشان ذنوبه، بس في النهاية مصيره الجنة بإذن الله. إنما غير المسلم فالتخليد في النار هو مصيره. فتخيل نعمة الإسلام دي! إنك من بين مليارات الناس، ربنا اختارك تكون مسلم، تقول لا إله إلا الله محمد رسول الله. متقولش ما كل الناس مسلمين لأ، مش كل الناس مسلمين. دي نعمة خاصة ربنا اختصك بيها. اللي خلاني أفكر في المعنى ده، هو كلمة سمعتها من المهندس أمجد سمير — ربنا يصلح حاله — كان بيتكلم عن النقطة دي، وساعتها فعلاً حسّيت قد إيه إحنا مغيبين! مهما حمدنا ربنا وشكرناه من هنا لآخر يوم في عمرنا مش هنقدر نوفي حق نعمة واحدة بس من نعمه علينا. الحمد لله حمداً كثيرًا طيبًا طاهرًا مباركًا فيه🤍