قصص وعبر

النبي ﷺ كان بيحكي لأصحابه قصة عجيبة جداً عن راجل من الأمم اللي قبلنا. الراجل ده طول حياته كان مُسرف على نفسه، يعني غرقان في الذنوب والمعاصي والتقصير، لدرجة إنه مكنش فاكر لنفسه أي عمل صالح يلقى بيه ربنا! 😔 ولما كبر في السن وحس إن المـ.ـوت قرب، الرعب دخل قلبه. جمع ولاده كلهم حواليه وسألهم: أَيُّ أَبٍ كُنْتُ لَكُمْ؟ (يعني: أنا كنت أب عامل إزاي معاكم؟). ولاده ردوا عليه وقالوا: خَيْرَ أَبٍ (كنت أحسن أب). الراجل هنا صارحهم بالحقيقة المرة اللي مخوفاه، وقالهم وصية مرعبة وصادمة جداً: فَإِنِّي لَمْ أَعْمَلْ خَيْرًا قَطُّ، فَإِذَا مِـ.ـتُّ فَأَحـ.ـرِقُونِي، ثُمَّ اسْحَـ.ـقُونِي، ثُمَّ اذْرُونِي فِي يَوْمٍ عَاصِفٍ.. فَوَاللَّهِ لَئِنْ قَدَرَ عَلَيَّ رَبِّي لَيُعَـ.ـذِّبَنِّي عَـ.ـذَابًا لَمْ يُعَـ.ـذِّبْهُ أَحَدًا! (يعني: أنا عمري ما عملت خير، فلما أمـ.ـوت إياكم تدفنوني! ولـ.ـعوا في جـ.ـثـ.ـتي لحد ما أبقى فحم، وبعدين اطحـ.ـنوا العـ.ـضم بتاعي لحد ما أبقى تراب، واستنوا يوم يكون فيه هوا شديد جداً وعاصفة، وارموا التراب بتاعي نصه في البر ونصه في البحر! عشان والله العظيم، لو ربنا قدر يجمعني ويحاسبني، هيعـ.ـذبني عـ.ـذاب معذبهوش لأي مخلوق تاني!). 🔥🌪️ الراجل من كتر رعبه ويأسه من كثرة ذنوبه، عقله البشري القاصر خلاه يفتكر إنه لو اتحـ.ـرق وبقى ذرات تراب طايرة في الهوا، ربنا مش هيقدر يجمعه ويبعثه يوم القيامة عشان يحاسبه! ولما الراجل مـ.ـات، ولاده فعلاً نفذوا وصيته بالحرف.. حـ.ـرقـ.ـوه، وطحـ.ـنوه، ورموا رماده في يوم عاصف عشان يختفي تماماً من الوجود. لكن قدرة ربنا سبحانه وتعالى مفيش حاجة تعجزها! ربنا أمر البحر إنه يجمع كل ذرة تراب وقعت فيه، وأمر الأرض إنها تجمع كل ذرة وقعت فيها، وفي لحظة، الراجل وقف كامل وسليم بين إيدين ربنا عز وجل! ✨ ربنا سبحانه وتعالى (وهو أعلم بيه) سأله سؤال واحد: مَا حَمَلَكَ عَلَى مَا صَنَعْتَ؟ (يعني: إيه اللي خلاك تعمل كده وتوصي ولادك يحـ.ـرقـ.ـوك؟). 🤔 الراجل وهو واقف بيترعش بين إيدين ربنا، نطق بكلمة واحدة طالعة من أعماق قلبه: خَشْيَتُكَ يَا رَبِّ! (وفي رواية: مَخَافَتُكَ يَا رَبِّ). (يعني: خوفي ورعبي منك ومن عقابك يا يارب هو اللي خلاني أعمل كده، مكنتش بكابر ولا بعاند، أنا كنت مرعوب!). 😭 وهنا تيجي المفاجأة اللي بتخلي القلوب تدوب من رحمة ربنا.. ربنا سبحانه وتعالى لما شاف الخوف والصدق اللي في قلب الراجل ده، ورغم جهله بقدرة ربنا المطلقة في البعث، قال الجملة اللي بتطمن كل عاصي: فَغَفَرَ اللَّهُ لَهُ! (يعني: ربنا عفا عنه وسامحه ومسحله كل ذنوبه، ودخله الجنة بسبب الخوف والرهبة الصادقة دي!). 🕊️❤️ 📌 العبرة من القصة: الخوف من ربنا (الخشية) عبادة قلبية عظيمة جداً بتمسح جبال من الذنوب. الراجل ده أخطأ خطأ عقائدي كبير لما ظن إن ربنا مش هيقدر يجمعه، بس ربنا عامله بـ نيته اللي كان كلها رعب وتعظيم لجلال الله. القصة دي بتعلمنا إن باب الرحمة أوسع بكتير من خيالنا، وإن مهما كانت ذنوبك أو تقصيرك، إياك تفقد الأمل أو تيأس من رحمة ربنا. لما تيجي تربي أو تنصح حد، ازرع فيه احترام ربنا والخوف من زعله، بس في نفس الوقت افتحله أبواب الرحمة وقوله إن ربنا بيفرح بتوبة العبد وبيعذره بجهله لو كان قلبه صادق! اللهم صلِّ وسلم وبارك على نبينا محمد 💙 #قصص_دينية #السيرة_النبوية #الخوف_من_الله #فن_التربية #قصص_حقيقية #قصة_و_عبرة