عبارات وخواطر

_ • رأي شخص بك لا يجب أن يكون واقعك ! • كتير كتار اللي بيتأثروا بحكي الأشخاص ، وكتار اللي ما قدروا يوصلوا لحلمهن بسبب كلمة انقالت من شخص وحطّمت كل شي بيتمنوا يوصلوا إلو ! أكبر غلط نترك الحكي السلبي يعيش جواتنا نترك الكلمات اللي انحكت تدمر مستقبلنا .. العالم ما بتشبع حكي ، حتى لو ما في شي تحكي فيه .. بتألف قصة و بتبلش تسرد فيها . بستغرب من اللي بقلو حدا إنت فاشل بقوم بصدق هالحكي وبيتصرف عهالأساس . عأساس إنو هو فاشل !!! إنت مو فاشل ولا غبي ولا سيء إنت سمحت للأشخاص تحكيك بطريقة غلط ومسيئة كتير بحق نفسك مو أكتر !!! كل العظماء بالتاريخ إلهن قصص عن طفولتهن و الكلمات اللي تعرضوا إلها والتحبيط اللي كانوا يدوقوه ، ومع هيك كان الاستسلام آخر وسيلة فكروا فيها . بمساعدة نفسك بتتخلص من أثر أي كلمة بشعة بتنقلك و أي موقف بشع بتنحط فيه . إنت أقوى من الصوت اللي جواتك اللي بضل يقلك خلص وقف .. ما رح توصل - إنت أقوى من كل شي - القوة اللي جواتك جبّارة .. استخدمها صح وصار وقت تطنّش الحكي اللي ما رح يفيدك . أكيد رح يزعجك شوي ببداية القصة .. بس هاد معناه مو إنو هي حقيقتك ! - فكَّر صَح .