عبارات وخواطر

- حتى في فتحة الباب محتاج توفيق ربنا ( ممكن تفتحه في وقت غلط فـ يدخل هوا شديد يتعب حد من أهل البيت و يمرض ) - حتى في الكلام محتاج توفيق ( ممكن تقول كلمة عادية بس في توقيت غلط فـ الدنيا تولع بسببها ) - حتى في إكرامك لضيف محتاج توفيق ( ممكن تتصرف تصرف غلط من غير ما تحس قدامك ضيفك فـ تتفهم غلط و يدي عنك انطباع مش صح ) - حتى في عزومة عملاها محتاجة توفيق ( لو شوية ملح زيادة، ولا بهار غلط اتحط ممكن يغير طعم الأكل كله و تتحرجي قدام المعزومين ) - حتى و انا بدور على دكتور محتاج توفيق ( حتى لو أنت متعود على حد مُعين شاطر، لعله يفشل معاك المرة دي ) التوفيق مش بس في مفترق الطرق في الحياة .. التوفيق مش بس في الاختيارات المصيرية .. التوفيق و الهداية محتاجينها في أدق تفاصيل يومنا ، أدق حركات يومك محتاج توفيق ربنا و إنه يلهمك الصواب و يسددك ، و يمكن لمّا تشوف قد ايه انت محتاج الهداية و الصلاح في كل تفاصيل يومك هتفهم الدعاء اللي بتقوله في أذكار الصباح و المساء كل يوم : يا حي يا قيوم ، برحمتك أستغيث ، أصلح لي شأني كله ، ولا تكلني إلى نفسي طرفة عين 💛