عبارات وخواطر

الإمتحانات لعبة نفسية؛ مش دايمًا بالشطارة والمذاكرة الكتير وتقطيع الكتب ولكن بالهدوء والذكاء عشان كده وارد ناس تجيب امتيازات بمذاكرة ليالي الامتحانات.. لو بقيت هادي هتعرف تسترجع أي معلومة أو على الأقل هتخمنها صح أو تحلها بالاستبعاد، لو اتوترت لا هتعرف تحل اللي مذاكره ولا اللي متعرفوش. الدراسة والامتحانات هي اختبارات نفسية يا تسيب أثرها فيك وتعلّم عليك يا تطلع منها كسبان وسليم نفسيًا، الامتحانات مش نهاية المطاف ولا مقياس لأي شيء أقسم بالله غير إن هذا ما وجدنا عليه آباءنا، وأخذ بالأسباب روق على نفسك واعمل اللي عليك حتى لو مش بشكل كامل ولكن أفضل من اللاشيء، في جملة جميلة للبشمهندس أيمن عبدالرحيم بيقول: سقف الممكن مُذهل يعني استغل الممكن اللي قدامك صح؛ و هتلاقي نتيجة مذهلة وربنا بيعاملنا بكرمه ولطفه والأيام بتعدي والامتحانات بتعدي وأنت هتعدي زي ما غيرك مكنش فاكر نفسه هيعدي ولكنه عدى في الآخر. فالحمدلله إن لينا رب كريم لطيف بينا 🤍