قصص وعبر

قصة وعبرة وانا في سنة تالتة كنت ساكن مع واحد مُولع بحب كاظم الساهر كان ليل نهار مشغله زي قناة المجد كدا كاظمٌ يُغني آناء الليل وأطراف النهار😅، فكنت غصب عني تلقائي لما بسرح لاقيني بدندن كدا دلوعتي خاصمتها😅 وشوية انا بالحب اكون او لا أكون😂، و قصايد نزار قباني ال بيغني منها تقريبا حافظتها كلها في السنة دي. وتخلص السنة ويعدي الصيف وسنة رابعة بقى على النقيض تماماً، كنت ساكن مع واحد بيحاول يحسن صوته في القرآن وكان دايما بيحاول يقرأ آيات معينة في نَفس واحد بنفس المقام ال القارئ بتاعها بيجبها بيه، كل يومين يمسك آية جديدة، فكنت لما بسرح الاقيني بقول مثلاً، وهدوا إلى الطيب من القول بصوت الإذاعة ، ومرة تانية ولا تقولن لشئ إني فاعل ذلك غدا إلا أن يشاء الله من فاكر بصوت مين. الخلاصة من الموضوع دا ان انت إجباري هتتأثر بالبيئة ال حواليك، سواء سلب او ايجاب، فلازم تحط نفسك في بيئة كويسة، ومغرور ال يقول انا بعرف اسيطر على نفسي او انا الي هأثر على ال حواليا حتى لو انت أثرت عليهم بالحلو هيقع عليك التأثير الوحش اكيد ، فنصيحة لاخواتي ال هتسكن السنة الجاية نَقوا الناس ال هتسكن معاكم على الفرازة زي ما بيقولوا ، لإن تأثير الصحبة دا اكبر تأثير في حياتك قصة وعبرة