مسجات شعر عامي
لنفسي احلام ولقلبي مثل غيري شفوف وانا بذلت جهْدي كله عشان اشوفها يارب ما دامها احلامي على بابك وقوف ما ضاق صدري لو انْها طوّل وقوفها .
اساير الوقت وعيوني على الساعه و ادور معها مثل دورت عقاربها احيان اقول اني الماشي على الطاعه واحيان اقول اني اكثر من يخربها
مانجحد الطيب والمعروف والرفقه ونقدر الطيب اليا شانت ظروفه ومن يمتلكني بمعروفه على رفقه اموت ما أنسى مع الايام معروفه
ويعنيني لو إنه صار ما يعنيك يزيد الجرح لو حاولت تقليله أنا بين إنتظاري و إنشغالي فيك آحس بـ كم ليلة مرت الليله !
يالله بصبحٍ من صباح العالمين تفتح مغاليقه على اللي سارحه كم له يصافقها وعيت لا تزين الحظ عاثر والليالي جارحه ماهوب طامع في حياة الفارهين الوضع ما يسمح وحاله شارحه
خذِ العلمَ يابني من حكيمٍ وجاهل * فقد يستفيدُ الفيلسوفُ من الغِرِّ
التجاهل ما يعلي لك مقام و التغلي مايثبت لك وجود لذة الدنيا بالمواصل و السلام و الغرام يموت من كثر الصدود
اشواقي اللي من البارح .. أجمّعها خذلتها ، وانت في بحر العذر غارق فـ الصوت نبره انا اول مره اسمعها الظاهر انك حبيبي ناوي تفارق
لا تظن اني بعد هالوقت ابيك لاتطولها معي وهي جدا قصيره انا ودعتك ورميت .. ماضيك كل الحكايه بيننا بإختصار خيره
عن هجير الروح كان الصمت ظلّي وإن حكيت أغني الغربه .. وأموّل ليه أدور نصفي الثاني وأنا اللي في حياتي ما لقيت النصف الأول
لخبطة المشاعر ما أظن يستطيع أحد يوصفها غير اللي قال : - بكيت من كلمةٍ ما تكسر الخاطر وضحكت من كلمةٍ ما ينضحك منها
جيت صوبك لاشعوريًا وانا يوم اتعنى ما اتعنى غير للي جعل تفداه المسافه امنياتي كلها وجهك وانا كيف اتمنى غير وجهك وانت وجهك من يشوفه مايعافه
من تساؤلات دستور الشعّر سفر الدغيلبي المستثناه يوم يقول : كيف خليتني عقب الجماعه وحيد كيف نزحتنيّ عن ربعي وعن هليّ ؟
حنيني يمثله هالبيت : أنا اللي كل ماشيّدت للنسيان دونك سور جرى في خافقي سيل الحنين الجارف وهدّه
💕💕 .لازلت أحبك إيه أحبك و لازلت العاشق اللي في هواك إهتوى لك عزلت غيرك في هواي وتنازلت عن حب غيرك ماصفا لي صفا لك
أود بتذكيرك عزيزي المقفي بـ أبيات محمد المقحم يوم يقول و اليا ترديت حدرنا بك الوادي/ ولا أنت بـ أول رفيقٍ بار في ربعه أجفاك وأنساك وأقطع عرفك و عادي /لو إن صداقتك منقوشه ومنطبعه ولا تلحقكم الحسايف .
بلاك انك تعرف اني احبك لو غيابك طال وبلاي اني اعرف انك دواي ولذة سنيني حسافه كل يوم يمر مالك في ذراه ظلال لا اسمع فيه صوتك لا تزور ولا تحاكيني .
حاول يكون لـ ذاتك بـ نظرتك صيت لأن الثقة بـ النفس فضل و فضيلة و أطلع من الدنيا و لك بـ العُلا بيت بـ الوجه الأبيض و الصفات النبيلة و عامل بـ المثل و خلك أن جيت جية مطر و أن غبت غيبة قبيلة .
مصير الأيام تكشف لك كنين الصدور كانك تشوف الوجيه وتجهل قلوبها قلبك دليلك ليا اشتبهت عليك الأمور لا تقرب اللي يجيك الشك من صوبها
مهما تردّى : وقتنا .. لازم نطيب ما نكسر بْـ خاطر .. ولا نجرح شعور ' نعاف من : ينسى جمايلنا .. ويعيب ونحبّ من : ينصح إذا .. فينا قصور ' نموت من : خذلان صاحب ، أو حبيب ونعيش : لوّ أقدارنا .. عيّت تدور ! ' ان ما حضرنا .. بْـ ما يجمّلنا .. نغيب بعض الغياب أجمل كثير مْن الحضور
